KAFEDRA TARIXI

        Kafedra o‘zining faoliyatini "Chet tili va rus tili" nomi bilan  1967-yilda boshlagan. 1967-1969 yillarda Toshkent davlat chet tillari instituti va Farg‘ona davlat pedagogik institutini imtiyozli tugatgan bitiruvchilari kafedraga yo‘llanma bilan ishga qabul qilinganlar.

Kafedra institutdagi mavjud barcha yo‘nalishdagi kafedralarga amaliy ingliz tili va nemis tillarni o‘rgatish bo‘yicha xizmat ko‘rsatuvchi kafedra hisoblanib, 
 O‘zbekiston Respublikasi Prezidentining 2012 yil 10 dekabrdagi PQ-1875-sonli “Chet tillarni o‘rganish tizimini yanada takomillashtirish chora tadbirlari to‘g‘risida”gi qarori hamda PQ-2909-sonli O‘zbekiston Respublikasi Prezidentining “Oliy ta’lim tizimin yanada rivojlantirish chora-tadbirlar to‘g‘risida”gi qarori asosidagi kafedra  „yo‘l xaritasida“  belgilangan pedagog kadrlarning kasb malakasi va mahoratini sifat jihatdan muntazam oshirib borish, pedagog va ilmiy xodimlarning stajirovkadan o‘tishini yo‘lga qo‘yish, instituti bitiruvchilarini PhD dasturi va xorijiy magistratura dasturlari asosida o‘qitish, kafedraning ilmiy salohiyatini mustahkamlash, ilmiy tadqiqotlarni yanada rivojlantirish, ularning akademik ilm-fan bilan integratsiyasini kuchaytirishga komaklashish, professor-o‘qituvchilar tarkibining ilmiy faoliyati samaradorligini oshirish, iqtidorli talaba-yoshlarni ilmiy faoliyat bilan shug‘ullanishga jalb etish hamda ularning jahon tillarini o‘rganishlarida va xalqaro darajalardagi sertifikatlarga ega bo‘lish ishlarida yaqindan yordam berish kabi vazifalarni bajarib kelmoqda.

       Kafedraga 1967-1972 yillarda katta o‘qituvchi M. Jalilov, 1972-1982 yillarda katta o‘qituvchi A.Agzamov, 1982-1990 yillarda katta o‘qituvchi
R Qosimova,  1990-1992 yillarda katta o‘qituvchi A.Normatov rahbarlik qilgan. 1992-1995 yillarda Sh. Alimova, 1995-1998 yillarda katta o‘qituvchi
 S. Ikromov,  1998-yildan 2013-yilgacha kafedrani ingliz tili katta o'qituvchisi A.Z.Abduvaliyeva kafedra mudiri lavozimida faoliyat olib borganlar, 2014-2015 o‘quv yili davomida  "Tillarni o‘rgatish" kafedrasi assistenti O.Muminov kafedra mudiri sifatida faoliyat ko‘rsatdi. 2015-2018 yillarda esa kafedrani rus tili va adabiyoti fani assistenti U.Nishonov boshqardi.  2018-2021 yil  nemis tili fani katta o‘qituvchisi tajribali pedagog G.G‘.Burxonova boshqargan. 2021-2022 yillarda esa  Obidova Gulmira Kuzibayevna kafedra mudiri  sifatida faoliyat ko`rsatdi. 2022 yil  O‘zbek tili va tillarni o‘rgatish kafedrasi mudiri lavozimiga Xasanova Ozoda Kafedra mudiri etib tayinlandi. 2022-2025  yillarda esa kafedrani katta o‘qituvchisi  U.Nishonov boshqardi. 2025 yil Mart oyidan Obidova Gulmira Kuzibayevna  kafedra mudiri sifatida faoliyat olib bormoqda.     

KAFEDRA FAOLIYATI:

KAFEDRAGA BIRIKTIRILGAN TA’LIM YO‘NALISHLARI VA MUTAXASSISLIKLARI:

BAKALAVR: Barcha ta’lim yo‘nalish talabalariga.

KAFEDRADA BAKALARIYAT TA’LIM YO‘NALISHLARIDA O‘QITILADIGAN FANLAR:

• O‘zbek tili;

• Xorijiy til (Ingliz tili);

• Rus tili;

• Akademik yozuv;

• O‘zbek tilini sohada qo‘llanilishi;

Kafedrada jami asosiy shtatda 50 nafar professor-о‘qituvchi faoliyat olib boradi, ulardan: 1 nafar DSc va professor, 10 nafar  PhD,  3 nafar dotsent, 14 nafar katta о‘qituvchi, 25 nafar assistent. Hozirda ilmiy salohiyat 22% ni tashkil etadi.

Kafedra professor-o‘qituvchilar ro‘yxati

O‘zbek tili va tillarni o‘rgatish kafedrasi qoshida ta’sis etilgan tillar markazi  “Language Arts” nomi bilan o‘z faoliyatini  olib bormoqda. Kaxxorova Qulxumor Sulaymonjon qizi markaz rahbarligidagi markazda yoshlarning nutq ravonligini oshirish maqsadida “speaking club” lar turli darajalarda tashkillangan va hozirda yoshlarning lug‘at boyligini oshirish maqsadida essential marathon o‘z faoliyatini olib bormoqda bundan tashqari 2019-yildan beri 2500 dan ortiq talabalarni IELTS va CEFR testlariga tayyorlaydi. Bu intensiv o‘quv kurslarida kafedraning professor-o‘qituvchilari jalb etilib ular o‘quv faoliyatlarini olib borishadi.

Joriy yilning Aprel oyida akademik mobillik doirasida “O‘zbek tili va tillarni o‘rgatish” kafedrasi mudiri Obidova Gulmiraxon Kuzibayevna, dotsent Tursunova  Faridaxon G‘aniyevna, Ilmiy darajali katta o‘qituvchilar Xolmatova Dilorom Abdusamiyevna, Xamidova Sayyoraxon Nurmatovna,         Ilmiy darajali assistent o‘qituvchilar Raxmatova Odinaxon Qodirjonovna, Akramova Nozimaxon Muzaffarovnalar Qozog‘iston Respublikasi M.Auezov nomidagi Janubiy Qozog‘iston Milliy universitetida bo‘lishdi. Tashrif davomida ular seminar-trening va ma’ruza mashg‘ulotlari o‘tkazdilar.