Farg’ona politexnika instituti hamda Yaponiyaning “Willtec”, “Wat consulting” va “Nippondo” kompaniyalari hamkorligida tashkil etilgan “Yapon tili va Yapon texnologiyalari markazi” ning ochilish marosimi bo'lib o'tdi.
Ushbu markazda qurilish muhandisligi yo'nalishida tahsil olayotgan talabalar uchun yapon tili va ilg'or yapon texnologiyalari 2 yillik bepul o'qitish tizimi joriy etiladi hamda muvaffaqiyatli yakuni bo'yicha talabalarimizga Yaponiyaning yirik kompaniyalarida muhandis mutaxassis sifatida ishlash imkoniyati yaratiladi.
