Anjumanni universitet rektori nomidan ma’naviy-ma’rifiy ishlar bo‘yicha birinchi prorektor Sh. Dehqonov ochib berdi. 
Tadbirda respublika va xorijiy ilmiy-tadqiqot muassasalari, ishlab chiqarish korxonalari hamda oliy ta’lim muassasalaridan olimlar, mutaxassislar va yosh tadqiqotchilar ishtirok etishdi.
Anjuman doirasida mashinasozlik, energiya mashinasozligi, kimyo sanoati, qishloq xo‘jaligi, mekatronika va robototexnika, shuningdek, ta’lim tizimidagi innovatsion yondashuvlar kabi 9 ta yo‘nalish bo‘yicha sho‘balar faoliyat olib bordi.