Seminarda universitetning Iqtisodiyot kafedrasi professori I. Ismanov tomonidan zamonaviy boshqaruv tizimida qaror qabul qilish jarayonining nazariy asoslari, strategik va operativ qarorlar o‘rtasidagi farqlar, samarali boshqaruv qarorlarining muhim mezonlari hamda ularni amaliyotda qo‘llash masalalari atroflicha yoritib berildi.
Shuningdek, ma’ruza davomida boshqaruv qarorlarini qabul qilishda tahliliy fikrlash, risklarni baholash, ma’lumotlarga asoslangan yondashuv hamda jamoaviy muhokamaning o‘rni alohida ta’kidlandi. Seminar interaktiv tarzda tashkil etilib, ishtirokchilar o‘zlarini qiziqtirgan savollarga batafsil javoblar olishdi, real hayotiy misollar asosida fikr almashishdi.